مستحقینِ زکوٰۃ کے لیے 60 کروڑ روپے جاری کردیئے گئے، مرتضیٰ وہاب

26 مارچ ، 2020

مستحقین زکوۃ کے لیے 60 کروڑ روپے جاری کردیئے گئے ، مرتضیٰ وہاب

ترجمان سندھ حکومت مرتضیٰ وہاب کا کہنا ہے کہ کورونا وائرس کی وجہ سے ہونے والے لاک ڈاؤن اور باہر نکلنے کی پابندیوں سے پریشان شہریوں کی مشکلات کو دیکھتے ہوئے وزیراعلیٰ سندھ کے احکامات پر ایک لاکھ مستحقین زکوٰۃ کے لیے60 کروڑ روپے جاری کردئیے گئے ہیں۔

ترجمان سندھ حکومت بیرسٹر مرتضیٰ وہاب کے مطابق زکوٰۃ فنڈ سے رقم رجسٹرڈ مستحقین زکوٰۃ کو فی کس 6 ہزار روپے جاری کئے گئے ہیں۔

بیرسٹر مرتضیٰ وہاب نے مزید کہا کہ محکمہ زکوٰۃ سندھ نے گزارا الاؤنس کی رقم مستحقین کے اکاؤنٹس میں ٹرانسفر کردی ہے، سندھ بھر کے ایک لاکھ مستحقین زکوٰۃ متعلقہ بینک سے رقم نکلواسکتے ہیں۔

یہ بھی پڑھیے: کورونا وائرس کا مقابلہ: سندھ سب سے آگے

ترجمان سندھ حکومت کا کہنا تھا کہ سندھ حکومت لاک ڈاؤن سے متاثر شہریوں کی مدد کے لیے اقدامات کررہی ہے، سندھ بھر کے رجسٹرڈ زکوٰۃ مستحقین کو گزارا الاؤنس کی رقم جاری کردی گئی ہے۔

انہوں نے کہا کہ کورونا وائرس کے پھیلاؤ کو روکنے کے لیے شہری حکومتی اقدامات کا ساتھ دیں، جبکہ سندھ حکومت صوبے کے عوام کی مدد کے لیے تمام وسائل بروئے کار لائے گی۔

تازہ ترین