پریانکا نے بھی واش ہینڈ چیلنج قبول کرلیا

بھارتی فلم اسٹار پریانکا چوپڑا نے عالمی ادارۂ صحت کی جانب سے ملنے والا واش ہینڈ چیلنج قبول کرکے ویڈیو سوشل میڈیا پر شیئر کردی۔

گزشتہ روز بھارتی فلم اسٹار پریانکا چوپڑا نے تصویر اور ویڈیو شیئرنگ ایپ انسٹاگرام پر اپنی ایک ویڈیو شیئر کی جس میں پریانکا چوپڑا کورونا وائرس سے بچاؤ کی وجہ سے اپنے ہاتھوں کو دھوتی نظر آرہی ہیں۔

پریانکا چوپڑا نے اپنی ویڈیو میں اپنے مداحوں کو بتایا کہ ’اُن کو ڈبلیو ایچ او کی جانب سے ملنے والے ہاتھ دھونے کے چیلنج میں چُنا گیا ہے۔‘

بھارتی فلم اسٹار کی جانب سے شیئر کی جانے والی ویڈیو میں دیکھا جاسکتا ہے کہ اداکارہ گانا گاتے ہوئے اپنے ہاتھوں کو دھو رہی ہیں۔

اُنہوں نے اپنی اِس پوسٹ کے کیپشن میں لکھا کہ ’میں نے SafeHand چیلنج قبول کرکے مکمل کرلیا ہے اور اِس ویڈیو میں آپ کو صحیح طریقے سے دھونا سِکھاؤں گی۔‘

ژالے سرحدی نے منشا پاشا کا واش ہینڈ چیلنج قبول کرلیا

معروف اداکارہ ژالے سرحدی نے اداکارہ منشا پاشا کا کورونا وائرس سے بچاؤ کے لیے ہاتھ دھونے کا چیلنج قبول کرکے ویڈیو سوشل میڈیا پر شیئر کردی۔

پریانکا چوپڑا نے لکھا کہ ’اپنے ہاتھوں کو صاف رکھنا زندگی بچانے کا ایک سادہ اور آسان طریقہ ہے۔‘

بھارتی فلم اسٹار نے کہا کہ ’جو گانا میں گا رہی ہوں آپ یہ گانا گاتے ہوئے 20 سیکنڈز تک ہاتھ دھوئیں۔‘

واضح رہے کہ اِس سے قبل پاکستان کی معروف اداکارہ منشا پاشا نے ڈبلیو ایچ او کا ہاتھ دھونے کا چیلنج قبول کرکے یہ چیلنج اداکارہ ژالے سرحدی کو دیا تھا ۔