یورپ میں کورونا سے اموت کی تعداد 20ہزار سے تجاوز کرگئی

عالمی وبا کورونا وائرس سے  یورپ میں اموات کی تعداد 20 ہزار سے بڑھ گئی۔

بین الاقوامی خبر ایجنسی کے مطابق اٹلی اور اسپین میں ایک دن میں 800 سے زائد اموات رپورٹ کی گئی ہیں، کورونا وائرس کے باعث اس وقت دنیا کی ایک تہائی آبادی کو لاک ڈاؤن کا سامنا ہے۔

سعودی عرب میں کورونا مریضوں کی تعداد 1200ہوگئی

ترجمان سعودی وزارت صحت نے کورونا وائرس سے متاثرہ ایک اور شخص کی ہلاکت کی تصدیق کردی۔

خبر ایجنسی کے مطابق کورونا وائرس کی وجہ سے کچھ ممالک کے حکام نے صورتحال مزید خراب ہونے کا خدشہ ظاہر کردیا ہے جبکہ چین کے شہر ووہان میں 2 ماہ کے لاک ڈاؤن کے بعد معمولات زندگی بحال ہونے لگے ہیں۔

دوسری جانب امریکا میں 3 دنوں میں اموات میں دگنا اضافہ ہوا ہے جس کے بعد اموات کی تعداد 2200 سے زائد ہوگئی ہے، امریکا میں ایک چوتھائی سے زائد اموات صرف نیویارک شہر میں ہوئی ہیں۔

روس کا کووڈ19کیلئے مؤثر دوا تیار کرنے کا دعویٰ

ماسکو (نیوزڈیسک)روس نے کورونا وائرس سے...

طبی ماہرین کا خدشہ ہے کہ اٹلی کے بعد نیویارک کورونا سے سب سے زیادہ متاثر ہوسکتا ہے، نیویارک کے اسپتالوں میں حفاظتی طبی سامان اور وینٹیلیٹرز کی کمی ہے۔

کورونا وائرس کے کم کیسز کے باوجود بھی روس نے کل سے اپنی سرحدیں بند کرنے کا اعلان کردیا ہے۔

فرانس: لاک ڈاؤن کے دوران گھریلو تشدد کے واقعات میں اضافہ

فرانس میں گھریلو جھگڑے کی شکایت کے لیے 3 ہزار 919 ایمرجنسی نمبر جاری کیے گئے۔

واضح رہے کہ دنیا بھر میں کورونا وائرس کے کیسز کی تعداد 6 لاکھ 64 ہزار سے زائد ہوگئی ہے، کورونا وائرس سے دنیا بھر میں ہونے والی اموات کی تعداد 30 ہزار 892 ہوگئیں جبکہ دنیا بھر میں کورونا وائرس سے متاثر ایک لاکھ 42 ہزار سے زائد افراد صحت یاب ہوئے ہیں۔