• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملالہ نے قرنطینہ میں ہیئر اسٹائل تبدیل کر لیا

تازہ ترین
قومی خبریں
30 مارچ ، 2020
ملالہ نے قرنطینہ میں خود کو نیا ہیئر اسٹائل دے دیا

امن کا نوبیل انعام حاصل کرنے والی دنیا کی کم عمر ترین پاکستانی طالبہ ملالہ یوسفزئی نے کورونا سے بچاؤ کے لیے از خود تنہائی میں اپنا ہیئر اسٹائل تبدیل کر لیا۔

سماجی رابطے کی ویب سائٹ انسٹاگرام پر اپنے بالوں کو خود نیا اسٹائل دیے ایک تصویر شئیر کی اور مزاح کا استعمال کرتے ہوئے ہالی ووڈ کے معروف ہیئر اسٹائلسٹ میں شمار ہونے والے جوناتھن وین نیس کو بھی ٹیگ کیا۔


ملالہ نے تصویر کے کیپش میں لکھا کہ جوناتھن نے قرنطینہ کے دنوں میں کوئی نئی لُک اپنانے سے منع کیا تھا اور یہاں میں نے خود ہی اپنے بال کاٹ لیے۔

انہوں نے آخر میں جوناتھن سے سوال بھی کر ڈالا کی آپ بتائیں یہ میں نے کیسے کیا؟

جوناتھن نے ملالہ کی پوسٹ پر کمنٹ کرتے ہوئے لکھا کہ ’آپ نے تو کمال کردیا۔‘


باقی دنیا کی طرح ملالہ بھی آج کل سیلف آئیسولیشن  میں ہیں جس میں اپنے آپ کو مصروف رکھنے کے لیے مختلف تجربے کررہی ہیں۔

اپنی ایک اور پوسٹ میں ملالہ نے آئیسولیشن کے دنوں میں اپنی مصروفیات کے بارے میں بتاتے ہوئے کہا تھا کہ وہ اپنے اسکول اور دوستوں کو بہت یاد کرتی ہیں لیکن اس وقت کو آپ گھروں پر رہ کر بھی معنی خیز بنا سکتے ہیں۔

تازہ ترین