بھنبھرو ٹرسٹ اور بلاول بھٹو فاؤنڈیشن ، 1000 خاندانوں میں راشن تقسیم

آج کا اخبار

سندھ بھر سے

01 اپریل ، 2020

خیرپور(بیورورپورٹ) شہری و دیہی علاقوں میں لاک ڈاؤن کے باعث غریب لوگوں کا روز گار بند ہونے پر حاجی غلام حسین بھنبھرو میموریل ٹرسٹ اور بلاول بھٹو فاؤنڈیشن کی جانب سے پانچ پانچ سو خاندانوں میں راشن تقسیم کیا گیا حاجی غلام حسین بھنبھرو میموریل ٹرسٹ کے چیئرمین نثار احمد بھنبھرو ایڈوکیٹ نے یونین کونسل رسول آباد کے پانچ سو مستحقین کے لیے راشن کا بندو بست کیا بعد ازاں ٹرسٹ کے کارکنوں نے مستحقین کے گھروں پر جاکر راشن ان کے حوالے کیا نثار احمد بھنبھرو ایڈوکیٹ کے مطابق اس مشکل گھڑی میں مستحقین کی مدد و امداد جاری رکھی جائے گی دریں اثناء بلاول بھٹو فاؤنڈیشن کے چیئرمین انجنیئر فدا حسین وسان نے اپنے کارکنوں کے ہمراہ خیرپور کی کچی آبادیوں میں جاکر پانچ سو مستحقین کو راشن بیگ دیئے اس موقع پر انہوں نے غریب و مستحقین سے کہاکہ ان کی تنظیم اس مشکل گھڑی میں ان کو تنہا نہیں چھوڑے گی ۔

تازہ ترین