آپ آف لائن ہیں
منگل 10؍ شوال المکرم 1441ھ 2؍ جون 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

اسلام آباد میں چینی اور آٹا یوٹیلٹی اسٹورز سے غائب

اسلام آباد میں چینی اور آٹا یوٹیلٹی اسٹورز سے غائب


اسلام آباد میں لاک ڈاؤن کے بعد چینی اور آٹا یوٹیلٹی اسٹورز سے غائب ہوگیا، عام کریانے کی دکانوں پر چینی 85 سے 90 روپے فی کلو جبکہ چکی کا آٹا 74 روپے فی کلو میں فروخت کیا جارہا ہے۔

لاک ڈاون سے یومیہ اجرت پر کام کرنے والوں کی آمدنی شدید متاثر ہوئی ہے، اس پر روز مرہ استعمال خصوصاً کھانے پینے کی اشیاء بھی مہنگی ہوگئی ہیں۔

اسلام آباد کے متعدد یوٹیلٹی اسٹورز پر چینی اور آٹا دستیاب نہیں ہے۔

شہر کے دیگر بازاروں میں چینی کی قیمت کو جیسے پر لگے ہوئے ہیں، یہ 85 سے 90 روپے فی کلو میں فروخت کی جارہی ہے، جبکہ چکی کا آٹا بھی سرکاری نرخ 60 روپے کے بجائے 74 روپے فی کلو میں فروخت کیا جارہا ہے۔

کورونا کی آفت سے بوکھلائے ہوئے شہری اب کھانے پینے کی اشیاء کی قیمتیں سن کر گھبرانا بھی شروع ہوگئے ہیں، اور حکومت سے اپیل کررہے ہیں کہ روز مرہ استعمال کی اشیاء کی قیمتوں کو کنٹرول کیا جائے۔

تجارتی خبریں سے مزید