کورونا وائرس کے خلاف جنگ میں ڈاکٹروں کے ساتھ فرنٹ لائن پر لڑنے والی نرسز بھی مسائل کا شکار ہیں، جو سہولیات نہ ملنے کی شکایت کررہی ہیں۔
سندھ بھر کے اسپتالوں میں نرسوں نے سیاہ پٹیاں باندھ کر احتجاج کیا اور حفاظتی سامان، ہیلتھ الاؤنس اور رسک الاؤنس نہ ملنے کی شکایت کی۔
پاکستان میڈیکل ایسوسی ایشن (پی ایم اے) نے ایک بار پھر ڈاکٹروں اور پیرا میڈیکل اسٹاف کو فوری طور پر حفاظتی لباس فراہم کرنے کا مطالبہ کردیا۔
جیو نیوز سے گفتگو میں پی ایم اے کے سیکریٹری جنرل ڈاکٹر قیصر سجاد نے کہاکہ بغیرحفاظتی لباس کے خدمات انجام دینے والے ڈاکٹرز خود کورونا کا شکارہوگئے ہیں۔