پالپا کے مطالبات بڑھ کر قانون سازی کی طرف آگئے ہیں،ترجمان پی آئی اے

ترجمان قومی ایئر لائن ( پی آئی اے ) عبد اللّٰہ حفیظ خان کا کہنا ہے کہ پالپا کے مطالبات بڑھ کر قانون سازی کی طرف آ گئے ہیں۔

پالپا نے PIA پائلٹس کو فضائی آپریشن سے روک دیا

پاکستان ائیر لائن پائلٹ ایسوسی ایشن ( پالپا ) کی جانب سے قومی ایئر لائن کو پائلٹس کی صحت کے پیش نظر مراسلہ لکھا گیا ہے جس کے مطابق کورونا وائرس کے سبب احتیاطی تدابیر کو نظر انداز کیا جا رہا ہے، جن ممالک میں کورونا وائرس ہے وہاں پائلٹس اور کریو کی زندگیوں کو خطرات لاحق ہیں لہٰذا انسانی ہمدردی کے تحت اسپیشل فلائٹس اڑانے سے انکار کیا جا رہا ہے

ترجمان پی آئی اے عبد اللّٰہ حفیظ خان نے جیو نیوز کے مارننگ پروگرام ’جیو پاکستان‘ میں گفتگو کے دوران کہا ہے کہ پی آئی اے نے پائلٹس کی حفاظت سے متعلق تمام اقدامات کیے ہیں، پاکستان ایئر لائن پائلٹس ایسوسی ایشن (پالپا) مطالبات بڑھ کر قانون سازی کی طرف آگئے ہیں۔

ترجمان پی آئی اے عبد اللّٰہ حفیظ خان نے کہا کہ پی آئی اے بیرون ملک پھنسے پاکستانیوں کو واپسی لانے کےلیے کوشاں ہے۔

پالپا نے وفاقی وزیر سرور خان کو خط لکھ دیا

خط میں پالپا کے صدر کیپٹن چوہدری سلمان نے کہا کہ قومی ایئرلائن کے پائلٹس اس وقت کئی طرح کے چیلنجز کا سامنا کر رہے ہیں۔

عبد اللّٰہ حفیظ خان کا عالمی وبا کورونا وائرس سے متعلق بات کرتے ہوئے مزید کہنا تھا کہ پی آئی اے نے کورونا حفاظت سے متعلق بین الااقوامی معیار کے اقدامات کیے ہیں۔