پاکستان میں کورونا سے اموات 64، مریض 4437

پاکستان میں کورونا وائرس سے اموات کی تعداد 64 ہو گئی، مزید کورونا وائرس کے کیسز سامنے آنے کے بعد کنفرم کیسز کی تعداد 4 ہزار 437 ہو گئی۔

ملک بھر میں اب تک کورونا سے ہونے والی 64 ہلاکتوں میں سے سندھ میں سب سے زیادہ 21 ہلاکتیں ہوئی ہیں جب کہ خیبر پختون خوا میں 20 اور پنجاب میں 17 ہلاکتیں ہوچکی ہیں۔

کورونا وائرس سے جنگ لڑتے ہوئے گلگت بلتستان میں 3، بلوچستان میں 2 اور اسلام آباد میں ایک کورونا مریض انتقال کر چکا ہے۔

اب تک پنجاب سب سے زیادہ کورونا کے مریضوں والا صوبہ ہے جہاں 2 ہزار 188 کیسز سامنے آچکے ہیں۔

گوجرانوالہ میں 56 زائرین کا کورونا ٹیسٹ مثبت نکل آیا

گوجرانوالہ میں ملتان سے آئے زائرین کے دوبارہ میڈیکل ٹیسٹ کرنے پر 56 افراد کی رپورٹس پازیٹو آ گئیں

سندھ میں 1 ہزار 126، خیبر پختون خوا میں 560، گلگت بلتستان اور بلوچستان میں 213، 213، اسلام آباد میں 102 اور آزاد کشمیر میں اب تک 33 کورونا کے کیسز سامنے آ چکے ہیں۔

ملک بھر میں کورونا کے مزید 2 ہزار 737 ٹیسٹ کیے گئے، اب تک پاکستان میں کورونا کے 44 ہزار 896 ٹیسٹ کیے جا چکے ہیں۔

یہ بھی پڑھیئے: بلوچستان میں کورونا کے 6 نئے کیسز، تعداد 212 ہوگئی

کورونا وائرس کے ملک بھر میں 3 ہزار 684 مریض مختلف اسپتالوں میں زیرِ علاج ہیں جن میں سے 25 افراد کی حالت تشویش ناک ہے جبکہ 689 افراد اب تک اس موذی مرض سے صحت یاب ہو کر اپنے گھروں کو لوٹ چکے ہیں۔