فرمان الہی
نماز کے اوقات
آئی ایم ایف کے ایگزیکٹو بورڈ کا اجلاس آج ہوگا جس میں پاکستان کو ایک ارب 40 کروڑ ڈالر کا قرض جاری کرنے کی منظوری دیے جانے کا بھی امکان ہے۔
ذرائع کے مطابق آئی ایم ایف کے ایگزیکٹو بورڈ کے اجلاس میں رکن ممالک کو کورونا وائرس سے نمٹنے کیلئے قرض منظور کرنے اور پہلے سے دیے گئے قرض کی ادائیگی میں تاخیر سے متعلق فیصلے کیے جائیں گے۔
واضح رہے کہ آئی ایم ایف پاکستان کو کورونا سے نمٹنے کیلئے قرض جاری کرنے کا عندیہ دے چکا ہے، پاکستان نے 3 ہفتے پہلے کورونا سے نمٹنے کیلئے ایک ارب 40 کروڑ ڈالر قرض کی درخواست کی تھی، اگر قرض کی منظوری ہوگئی تو یہ فوری طور پر جاری کیا جائے گا۔
ذرائع کا بتانا ہے کہ یہ رقم پہلے سے جاری قرض پروگرام کے علاوہ ہوگی اور اس کے ساتھ کسی قسم کی شرائط نہیں رکھی گئی ہیں۔
