• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عاطف خان کا دورہ مردان‘ مستحق خاندانوں کیلئے آٹے کی فراہمی

میرا شہر
پشاور
24 اپریل ، 2020
پشاور(نیوز ڈیسک )سابق سینئر وزیر خیبرپختونخوا عاطف خان نے مردان کا دورہ کیا اور ذاتی حیثیت میں اپنے حلقے کے مستحق خاندانوں کے لئے آٹے کی فراہمی شروع کردی- اس موقع پر عاطف خان نے آٹے کے 1200سو تھیلے 12یونین کونسل عہدیداروں کے حوالے کردئیے یونین کونسل عہدیداران آٹے کے تھیلے مستحق افراد تک پہنچائیں گے عاطف خان کا کہنا تھا کہ ذاتی حیثیت میں حلقے کے عوام کی مدد جاری رکھوں گا اور جتنا ممکن ہوسکا عوام کے لیے کروں گا اس سے پہلے بھی منگاہ میں لاک ڈاؤن کے دوران 150 متاثرہ خاندانوں میں امداد تقسیم کی ہے- امدادی سامان خود جاکر اس لئے تقسیم نہیں کیا تاکہ سوشل ڈسٹنسنگ کی پابندی برقرار رہے مخیر حضرات سے آگے آکر مستحق خاندانوں کی مدد کرنے کی اپیل کرتا ہوں پوری دنیا اس وقت کورونا وباء کی وجہ سے مشکل میں ہے اور ہمیں مل کر حالات کا مقابلہ کرنا ہے رمضان المبارک میں کورونا صورتحال کے پیش نظر سفید پوش حضرات کی مشکلات مزید بڑھ جائیں گی اس لئے مخیر حضرات ان لوگوں کی مدد کریں مردان کی عوام کی مشکلات کا اندازہ ہے اور ہر حال میں ان کے ساتھ کھڑا رہوں گا۔
تازہ ترین