فرمان الہی
نماز کے اوقات
پیپلزپارٹی کے چیئرمین بلاول بھٹو زرداری نے ڈاکٹر محمد جاوید کے انتقال پر افسوس کا اظہار کیا ہے۔
بلاول بھٹو نے حیات آباد میڈیکل کمپلیکس پشاور سے منسلک مرحوم ڈاکٹر جاوید کے اہلخانہ سے اظہار تعزیت کیا ہے۔
چیئرمین پی پی نے کہا کہ ڈاکٹرز کو حفاظتی آلات کی فراہم وفاقی و صوبائی حکومتوں کی ذمہ داری ہے۔
انہوں نے کہا کہ کوروناوائرس کے مریضوں کے علاج میں مصروف ڈاکٹرز و طبی عملے کو سلام پیش کرتا ہوں۔
واضح رہے کہ خیبر پختون خوا کے دارالخلافہ پشاور میں حیات آباد میڈیکل کمپلیکس کے پروفیسر ڈاکٹر محمد جاوید کورونا وائرس سے متاثر ہونے والے بعد انتقال کر گئے تھے۔
حیات آباد میڈیکل کمپلیکس اسپتال کے ڈائریکٹر ڈاکٹر شہزاد فیصل کے مطابق ڈاکٹر محمد جاوید میں ایک ہفتہ قبل کورونا وائرس کی تصدیق ہوئی تھی۔
ڈاکٹر شہزاد فیصل کے مطابق پروفیسر محمد جاوید کو وینٹی لیٹر پر رکھا گیا تھا لیکن وہ جانبر نہ ہو سکے۔
