فرمان الہی
نماز کے اوقات
رئیس ؔامروہوی
اندھیری راتوں کی خامشی میں مجھے یہ آواز آرہی ہے
اٹھیں گے کب تک نہ سونے والے نئی سحر جگمگا رہی ہے
اُفق پہ چھایا تھا جو اندھیرا وہ رفتہ رفتہ سمٹ رہا ہے
فضا میں پھیلی تھی جو اداسی وہ دمبدم منہ چھپا رہی ہے
جہان کہنہ کو رونے والے! جہان کہنہ میں کیا دھرا ہے؟
وہ دیکھ سلمائے عصرِ تازہ نقاب رخ سے اٹھا رہی ہے
وہ وقت آیا کہ ہم کو قدرت ہماری سعی و عمل کا پھل دے
بتارہی ہے یہ ظلمت شب کہ صبح نزدیک آرہی ہے
فلاکتوں کے نشاں ہیں باقی ابھی تو کچھ امتحاں ہیں باقی
قدم نہ پیچھے ہٹے کہ قدرت ہمیں آزما رہی ہے
تباہیوں سے حزیں نہ ہونا ستم سے اندوہ گیں نہ ہونا
جسے سمجھتے ہیں آزمائش وہی تو بگڑی بنا رہی ہے
