ماہرہ سے کوئی مقابلہ نہیں : ایمن خان

30 اپریل ، 2020

پاکستان شوبز انڈسٹری کی معروف اداکارہ ایمن خان نے گزشتہ دنوں انسٹاگرام پر شہرت کے تمام اگلے پچھلے ریکارڈز توڑتے ہوئے ماہرہ خان کو بھی فالوورز کی دوڑ میں پیچھے چھوڑ دیا تھا۔

ایمن خان کی جانب سے ایک بیان سامنے آیا جس میں ان کا کہنا ہے کہ ماہرہ سے کوئی مقابلہ نہیں ، وہ ماہرہ سے بہت پیار کرتی ہیں۔

پاکستان میں سب سے زیادہ فالو کی جانے والی شخصیات میں ایمن نے ماہرہ کو تو پیچھے چھوڑا تھا تاہم کچھ ہی دنوں میں ماہرہ کے فالوورز کی تعداد بھی ایمن کے فالوورز جتنی ہوگئی ہے۔

یاد رہے کہ گزشتہ دنوں ایمن خان کے انسٹاگرام پر فالوورز کی تعداد 5 اعشاریہ 9 ملین یعنی 59 لاکھ سے زائد ہوگئی جو کہ ماہرہ خان سے 1 لاکھ زیادہ تھی۔

انسٹاگرام پر دونوں اداکاراؤں کے فالوورز کی تعداد پر اب اگر نگاہ ڈالی جائے تو دونوں کے فالوورز کی تعداد تقریباً ایک جیسی ہے۔

سب سے زیادہ فالوورز رکھنے والی اداکارہ ایمن متعدد مقامات پر یہ کہہ چکی ہیں کہ ان کا سُپر اسٹار ماہرہ سے کوئی مقابلہ نہیں۔

عالمی شہرت یافتہ ماہرہ خان گزشتہ سال اکتوبر میں انسٹاگرام پر سب سے زیادہ 50 لاکھ سے زائد فالوورز رکھنے کا اعزاز حاصل کرنے والی پہلی شخصیت تھیں۔

شوبز انڈسٹری سے تعلق رکھنے والی مشہور و معروف شخصیات اپنے مداحوں کو اپنی روزمرہ زندگی کے بارے میں آگاہ کرنے کے لیے سوشل میڈیا سائٹس کا استعمال کرتے ہیں۔

شوبز ستاروں کی مقبولیت کا اندازہ ان کے سوشل میڈیا اکاؤنٹس سے لگایا جاسکاتا ہے، جسے ہر گزرتے دن کے ساتھ پرستاروں کی بڑی تعداد فالو کرتی ہے اور ان کے روزمرہ کی روٹین سے آگاہ رہتے ہیں۔

تازہ ترین