ویتنام میں ’کورونا برگر‘ کی فروخت میں اضافہ

کورونا وائرس کی وبا کے دوران ویتنام  کے ایک شیف نے گزشتہ ماہ سب سے پہلے کورونا وائرس کی شکل کا برگر تیار کیا تھا تاہم اب دنیا بھر میں اس کی مانگ میں بے پناہ اضافہ ہوگیا ہے۔

کورونا وائرس وبا کی ابتدا چین سے ہوئی اور یہ وائرس پوری دنیا میں تیزی سے پھیلتا جا رہا ہے لیکن حیران کن طور پر چین سے متصل ملک ویتنام نے مہلک وائرس کو اپنے ملک میں پھیلنے نہیں دیا۔

اس کامیابی کا سہرا جہاں حکومت کے سخت اقدامات کو جاتا ہے وہیں عوام نے بھی اس مہلک وائرس سے آگاہی کے لیے دلچسپ طریقے اپنائے۔

ویتنام کے ایک ریستوران میں کورونا برگر کی رونمائی گزشتہ ماہ ہوئی تھی لیکن اس کی مانگ میں روز بروز اضافہ ہوتا جا رہا ہے اور ویتنام کے اس ریستوران کی شہرت دنیا بھر میں پھیل گئی ہے۔

اب دیگر ممالک میں بھی کورونا برگر تیار کیے جا رہے ہیں لیکن سب سے پہلے ویتنام کے ایک شیف نے کورونا وائرس کے ہو بہو شکل کا برگر تیار کیا تھا۔

کوروناکیخلاف آگاہی مہم میں سُپر ہیروز بھی میدان میں

کورونا وائرس کے خلاف آگاہی مہم میں سُپر ہیروز بھی میدان میں آگئے۔

ریستوران کے مالک کا کہنا ہے کہ کورونا برگر کھا کر آپ اس مہلک وائرس کے مرض میں مبتلا نہیں ہوں گے البتہ آپ کو یہ یاد رہے گا کہ کورونا سے کیسے بچنا ہے۔