• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈریم پیئر مہم، وسیم اور وقار کی جوڑی نےسب کو پیچھے چھوڑ دیا

تازہ ترین
کھیلوں کی خبریں
05 مئی ، 2020
ڈریم پیئر مہم، وسیم اور وقار کی جوڑی نےسب کو پیچھے چھوڑ دیا

پاکستان کرکٹ بورڈ (پی سی بی) کی ڈریم پیئر مہم جاری ہے جس میں وسیم اکرم اور وقار یونس کی جوڑی نےسب کو پیچھے چھوڑ دیا ہے۔

پی سی بی کی سوشل میڈیا پرفاسٹ بولروں کے ڈریم پیئر بنانے کی مہم جاری ہے۔ ڈریم فاسٹ بولروں کی جوڑی کی مہم میں کرکٹرز اور شائقین نے حصہ لیا۔

وسیم اکرم کی موجودہ بالرز میں نسیم شاہ کے ساتھ پئیر بنانے کی خواہش

سابق کپتان اور سوئنگ کے سلطان وسیم اکرم نے نوجوان نسیم شاہ کے ساتھ پئیر بنانے کی خواہش کا اظہار کیا ہے، سرفراز نواز اور فضل محمود کو ماضی کے پسندیدہ بولرز قرار دے دیا جبکہ فاسٹ بولر شاہین آفریدی کہتے ہیں ٹو ڈبلیوز کے ساتھ بولنگ ان کا خواب ہے ۔

نسیم نے وسیم اکرم، حسنین نے وقار یونس کو ڈریم پارٹنر چن لیا

فاسٹ بولر شعیب اختر نے اپنا ڈریم پیئر چیمپیئن کپتان عمران خان کے ساتھ بنانے کی خواہش ظاہر کی۔

فاسٹ بولروں کی جوڑی کےلیے 10 لاکھ سے زائد صارفین سوشل میڈیا پر متحرک ہوئے۔

وسیم اکرم اور وقار یونس کی جوڑی پہلے نمبر پر رہی، وسیم اکرم اور محمد آصف کی جوڑی نے دوسرا نمبر حاصل کیا جبکہ محمد آصف اور محمد عامرکی جوڑی مہم میں تیسرے نمبر پر رہی۔

فاسٹ بولروں کی جوڑی سے پہلے اوپننگ اور مڈل آرڈر بیٹسمینوں کی جوڑیاں بھی سامنے آچکی ہیں۔  

تازہ ترین