نسیم نے وسیم اکرم، حسنین نے وقار یونس کو ڈریم پارٹنر چن لیا

پاکستان کرکٹ بورڈ (پی سی بی) کی ڈریم پیئر مہم جاری ہے، جس میں نوجوان فاسٹ بولرز نسیم شاہ نے وسیم اکرم اور محمد حسنین نے وقار یونس کو اپنا ڈریم پارٹنر چن لیا، محمد عباس نے حسن علی کے ساتھ بولنگ کی خواہش ظاہر کردی۔

پی سی بی کی سوشل میڈیا پر ٹیسٹ کرکٹ کے ڈریم پیئر بنانے کی مہم جاری ہے۔

محمد یوسف اور یونس خان پاکستان کرکٹ میں ڈریم مڈل آرڈر جوڑی

صارفین کی رائے کے مطابق لیجنڈری کرکٹر جاوید میاں داد اور کلاسیکل بیٹسمین یونس خان کا پیئر تیسرا مقبول ترین پیئر قرار پایا۔

فاسٹ بولر شعیب اختر نے اپنا ڈریم پیئر چیمپیئن کپتان عمران خان کے ساتھ بنانے کی خواہش ظاہر کی۔

نوجوان فاسٹ بولر نسیم شاہ نے رائٹ اینڈ لیفٹ کمبی نیشن کے لیے وسیم اکرم کے ساتھ ڈریم پیئر بنایا۔

فاسٹ بولر محمد حسنین، وقار یونس کے بولنگ ایکشن، جارحانہ مزاج اور اسکلز کے معترف ہیں۔

وسیم اکرم کی موجودہ بالرز میں نسیم شاہ کے ساتھ پئیر بنانے کی خواہش

سابق کپتان اور سوئنگ کے سلطان وسیم اکرم نے نوجوان نسیم شاہ کے ساتھ پئیر بنانے کی خواہش کا اظہار کیا ہے، سرفراز نواز اور فضل محمود کو ماضی کے پسندیدہ بولرز قرار دے دیا جبکہ فاسٹ بولر شاہین آفریدی کہتے ہیں ٹو ڈبلیوز کے ساتھ بولنگ ان کا خواب ہے ۔

فاسٹ بولر محمد عباس نے حسن علی کے ساتھ بولنگ کی خواہش ظاہر کرتے ہوئے کہا ہے کہ وہ ماضی کے کھلاڑیوں میں وسیم اکرم کے ہمراہ بولنگ کا انتخاب کریں گے۔