’ثقلین مشتاق اور سعید اجمل کیساتھ باؤلنگ پیئر بنانا چاہتا ہوں‘، شاداب خان

پاکستان کرکٹ ٹیم کے لیگ اسپنر شاداب خان کا کہنا ہے کہ وہ ثقلین مشتاق اور سعید اجمل کے ساتھ باؤلنگ پیئر بنانا چاہیں گے۔

پاکستان کرکٹ بورڈ (پی سی بی)کی سوشل میڈیا پرفاسٹ بولروں کے ڈریم پیئر بنانے کی مہم جاری ہے۔ ڈریم فاسٹ بولروں کی جوڑی کی مہم میں کرکٹرز اور شائقین نے حصہ لیا۔

نسیم نے وسیم اکرم، حسنین نے وقار یونس کو ڈریم پارٹنر چن لیا

فاسٹ بولر شعیب اختر نے اپنا ڈریم پیئر چیمپیئن کپتان عمران خان کے ساتھ بنانے کی خواہش ظاہر کی۔

اس حوالے سے پاکستان کرکٹ ٹیم کے لیگ اسپنر شاداب خان نے اپنے ایک بیان میں کہا کہ میں ثقلین مشتاق اور سعید اجمل کےساتھ باؤلنگ پیئر بنانا چاہوں گا۔

انہوں نے مزید کہا کہ موجودہ بالروں میں یاسر شاہ کے ساتھ باؤلنگ پیئر بنانا چاہوں گا۔یاسر شاہ نے تیزترین دو سو ٹیسٹ وکٹیں حاصل کرنے کا ریکارڈ بنایا ہے۔

محمد یوسف اور یونس خان پاکستان کرکٹ میں ڈریم مڈل آرڈر جوڑی

صارفین کی رائے کے مطابق لیجنڈری کرکٹر جاوید میاں داد اور کلاسیکل بیٹسمین یونس خان کا پیئر تیسرا مقبول ترین پیئر قرار پایا۔

شاداب خان نے کہا کہ ثقلین مشتاق نے’’دوسرا‘‘ ایجاد کیا، سعید اجمل نے اسے جاری رکھا۔