کابینہ کا لاک ڈاؤن نرم کرنے کا مشورہ

وفاقی کابینہ نے ملک میں کورونا وائرس کے پھیلاؤ کو روکنے کے لیے لگائے گئے لاک ڈاؤن کو نرم کرنے کا مشورہ دےدیا ہے۔

وزیراعظم عمران خان کی زیر صدارت ہونے والے اجلاس میں وزراء نے اپنی ایک ماہ کی تنخواہ کورونا ریلیف فنڈ میں دینے کا اعلان بھی کیا۔

وفاقی وزیر اطلاعات شبلی فراز نے کابینہ اجلاس کے بعد میڈیا بریفنگ میں بتایا کہ صنعتیں اور کاروبار کھولنے والوں کو ایس او پیز پر سختی سے عمل کرنا ہوگا۔

سندھ حکومت کے بروقت فیصلے ملک کے مفاد میں تھے، مرتضیٰ وہاب

ترجمان سندھ حکومت بیرسٹر مرتضیٰ وہاب کا کہنا ہے کہ کوروناوائرس کے پہلے کیس سے اب تک سندھ حکومت متحرک رہی ہے، 26 فروری سے اب تک ملنے والی پذیرائی پرمخالفین ناراض ہوئے، سندھ حکومت کے بر وقت فیصلے ملک کے مفاد میں تھے

انہوں نےکہا کہ لاک ڈاؤن سے متعلق وزرائے اعلیٰ کی سفارش کل سامنے آجائیں گی، عوام نے احتیاط کا دامن ہاتھ سے چھوڑا تو کورونا وائرس سے بہت نقصان ہوگا۔

شبلی فراز نے خدشہ ظاہر کیا کہ پیپلز پارٹی اپنی بری کارکردگی کی وجہ سے سندھ تک محدود ہوگئی، اب ڈر ہے کہ پی پی صرف لاڑکانہ تک محدود نہ ہوجائے۔

ان کا کہنا تھا کہ عوام سے لوٹا گیا پیسا اب ملک میں واپس لانا ہوگا۔

شبلی فراز نے بتایا کہ وفاقی وزراء اپنی ایک ماہ کی تنخواہ کورونا ریلیف فنڈ میں دیں گے۔

پمز کی خاتون ڈاکٹر میں کورونا وائرس کی تصدیق

پاکستان انسٹیٹیوٹ آف میڈیکل سائنسز کی ڈاکٹر ثروت نے اپنے ویڈیو بیان خود میں کورونا وائرس کی تصدیق کرتے ہوئے کہا ہے کہ میں پمز میں ڈاکٹر ہوں، تین دن پہلے ایک ساتھی کا کورونا ٹیسٹ پازیٹو آیا تھا

دوسری طرف پنجاب حکومت نے بھی کم کورونا کیسز والے شہروں میں کاروبار کی اجازت دینے کا فیصلہ کیا اور اس حوالے سے متعلقہ محکموں سے حتمی پلان طلب کیا گیا ہے۔

بلوچستان حکومت نے 19 مئی تک لاک ڈاؤن میں توسیع کا اعلان کردیا ہے جبکہ لاک ڈاؤن میں نرمی سے متعلق حتمی فیصلہ کل این سی او سی کے اجلاس میں کیا جائے گا۔