آپ آف لائن ہیں
اتوار 8؍ شوال المکرم 1441ھ 31؍مئی 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

سندھ میں جمعتہ الوداع اور نماز عید سے متعلق ہدایات جاری

محکمہ داخلہ سندھ نے جمعتہ الوداع اور نماز عید سے متعلق ہدایات جاری کردیں۔

محکمہ داخلہ نے وفاقی وزرات داخلہ کا ہدایت نامہ کمشنرز، ڈپٹی کمشنرز کو ارسال کردیا۔

ہدایت نامے میں کہا گیا ہے کہ نماز عید کے اجتماعات کے لئے 20 نکاتی ایس او پی پر عمل کرایا جائے اور نماز عید کے لیے مقررہ مقامات کی قبل از وقت نشاندہی کی جائے۔

ہدایت نامے میں کہا گیا ہے کہ جمعتہ الوداع، نماز عید کے اجتماعات کھلے مقامات پر کیے جائیں، جبکہ رمضان المبارک کے آخری ایام میں فول پروف سیکیورٹی کو یقینی بنایا جائے۔

محکمہ داخلہ کے ہدایت نامہ میں کہا گیا ہے کہ جمعتہ الوداع، نماز عید کے اجتماعات کے مقامات پر اضافی سیکیورٹی کا انتظام کیا جائے۔

ہدایت نامہ میں کہا گیا ہے کہ مارکیٹس، بازاروں، بس اسٹینڈز، قبرستان کے اطراف سیکیورٹی کو یقینی بنایا جائے۔

وزارت داخلہ کے ہدایت نامہ میں کہا گیا ہے کہ صوبائی حکومتیں ایس او پی پر عمل درآمد کے لیے علماء کرام سے رابطہ کریں۔

قومی خبریں سے مزید