طیارہ حادثے کی تحقیقاتی ٹیم کو چھوڑ کر ایئر بس فرانس روانہ

طیارہ حادثے کی تحقیقات کرنے کے لیے آنے والی 11 رکنی ٹیم کو کراچی چھوڑ کر ایئر بس اے 330 واپس فرانس روانہ ہو گئی۔

ایوی ایشن ذرائع کے مطابق ایئر بس کمپنی کی خصوصی پرواز نمبر اے ای بی 1889 کراچی سے پیرس چلی گئی۔

ایئر بس کمپنی کے 11 ٹیکنیکل ماہرین خصوصی پرواز نمبر اے ای بی 1889 کے ذریعے آج صبح کراچی پہنچے ہیں۔

طیارہ حادثے کی تحقیقات کیلئے ایئر بس ٹیم پہنچ گئی

کراچی میں پی آئی اے کے طیارے کے حادثے کی تحقیقات کے لیے ایئربس بنانے والی کمپنی کے ٹیکنیکل ایڈوائزر کی 11 رکنی ٹیم آج صبح کراچی پہنچ گئی ہے۔

کراچی میں فرانس کے قونصل خانے کے حکام اور سول ایوی ایشن افسران نے ایئرپورٹ پر ٹیکنیکل ٹیم کا استقبال کیا تھا جبکہ ٹیم کو کراچی ایئر پورٹ پر واقع نجی ہوٹل میں ٹھہرایا گیا ہے۔

ذرائع کے مطابق ٹیکنیکل ماہرین 22 مئی کو کراچی میں پرواز پی کے 8303 کی تباہی کی وجوہات کا کھوج لگائیں گے، ایئربس ماہرین طیارہ حادثے کی پاکستان کی تحقیقاتی ٹیم سے مشاورت کریں گے۔

یہ بھی پڑھیئے: طیارہ حادثہ تحقیقات، ایئربس کی ٹیم فرانس سے روانہ

ذرائع کا یہ بھی کہنا ہے کہ ایئر بس کی ٹیکنیکل ٹیم کے ارکان کراچی ایئر پورٹ کے رن وے 25 ایل کا معائنہ کریں گے، ٹیم کے ارکان پاکستانی تحقیقاتی حکام کے ہمراہ جائے حادثہ کا بھی دورہ کریں گے۔