آپ آف لائن ہیں
منگل22؍ذیقعد 1441ھ 14؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پشاور: مشتبہ کورونا مریضہ کا انتقال، لواحقین کی اسپتال میں توڑ پھوڑ

خیبر پختون خوا کے دارالخلافہ پشاور میں واقع لیڈی ریڈنگ اسپتال میں کورونا وائرس کی مشتبہ مریضہ انتقال کر گئی، جس کے بعد خاتون کے لواحقین نے اسپتال میں توڑ پھوڑ کی۔

ترجمان لیڈی ریڈنگ اسپتال (ایل آر ایچ) 50 سالہ مریضہ کو گزشتہ رات شب قدر کے علاقے سے تشویش ناک حالت میں لایا گیا تھا۔

ترجمان ایل آر ایچ کا مزید کہنا ہے کہ انتقال کر جانے پر مریضہ کے رشتے داروں نے لیڈی ریڈنگ اسپتال کے کورونا کمپلیکس کا دروازہ توڑ دیا۔

ایل آر ایچ کےترجمان کا یہ بھی کہنا ہے کہ اسپتال کا عملہ دن رات کورونا وائرس کے مریضوں کی خدمت پر مامور ہے۔

فوت ہو جانے والی خاتون کے بیٹے شہزاد ایڈووکیٹ کا اس حوالے سے میڈیا سے گفتگو کرتے ہوئے کہنا ہے کہ فوت ہونے والی مریضہ میں کورونا کی علامات نہیں تھیں۔

یہ بھی پڑھیئے: اسلام آباد میں کورونا کا مریض انتقال کر گیا

انہوں نے کہا کہ مریضہ دل کے عارضے میں مبتلا تھیں، ڈاکٹروں نے مریضہ کے علاج کے بجائے ان کا کورونا وائرس ٹیسٹ کرانے کا کہا۔

شہزاد ایڈووکیٹ کا یہ بھی کہنا ہے کہ ڈاکٹروں نے مریضہ کو دل کے بجائے کورونا وارڈ میں منتقل کر دیا، والدہ کی حالت غیر ہونے پر ڈاکٹروں سے تکرار ہوئی۔

قومی خبریں سے مزید