آپ آف لائن ہیں
ہفتہ19؍ذیقعد 1441ھ11؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

عید کی مبارک باد دینے پر بھارتی پولیس نے دو طلبا کو گرفتار کرلیا

بھارتی پولیس نے علی گڑھ مسلم یونیورسٹی کے دو طلبا کو سماجی رابطوں کی ویب سائٹ پر ایک جملہ لکھنے پر گرفتار کر لیا۔

علی گڑھ مسلم یونیورسٹی کے دو طلبا نے فیس بک پر عید کے تہنیتی پیغام میں لکھا تھا کہ عید کے معنی خوشی ہیں اور خوشی کے معنی پاک ہیں۔

علی گڑھ یونیورسٹی کے ترجمان شفیع قدوائی نے اپنے بیان میں کہا ہے کہ یونیورسٹی دونوں طلبا کیخلاف اپنے قوائد کے مطابق کارروائی کرنا چاہتی ہے لیکن پولیس نے دونوں طلبا کو پہلے ہی مذہبی بنیادوں پر عدم رواداری اور نفرت پھیلانے کی دفعات کے تحت گرفتار کر لیا ہے۔

علی گڑھ پولیس کے مطابق گرفتار طلبا میں سے ایک فرحان زبیری کو پندرہ دسمبر کو شہریت ایکٹ کے خلاف احتجاج کے دوران پولیس سے جھڑپوں کے مقدمے میں گرفتار کیا گیا ہے۔

بھارتی پولیس کے مطابق علی یونیورسٹی کے طالب علم رہنما فرحان زبیری کیخلاف گیارہ مقدمات درج ہیں۔

بین الاقوامی خبریں سے مزید