نواز شریف کے معالج اور نواسی کی وطن آمد

سابق وزیرِ اعظم میاں محمد نواز شریف کے ذاتی معالج ڈاکٹر عدنان اور مریم نواز کی بیٹی برطانوی دارالحکومت لندن سے لاہور پہنچ گئیں۔

ایئرپورٹ ذرائع کے مطابق نواز شریف کے ذاتی معالج ڈاکٹر عدنان اور مریم نواز کی صاحبزادی پی آئی اے کی پرواز 788 سے لندن سے لاہور پہنچے ہیں۔

ن لیگی رہنماؤں کی ڈاکٹر عدنان پر قاتلانہ حملے کی مذمت

سابق وزیراعظم شاہد خاقان عباسی نے ڈاکٹر عدنان پر قاتلانہ حملے کی مزمت کرتے ہوئے کہا کہ نواز شریف کے بعد نواز شریف کا معالج بھی ٹارگٹ پر ہے، ڈاکٹرعدنان پرقاتلانہ حملے کا مطلب واضح ہے، سیاسی مخالفین اور ان سے وابستہ افراد کو نشانہ بنانا انتہائی منفی رجحان ہے

ایئر پورٹ ذرائع نے بتایا ہے کہ پی آئی اے کی پرواز 788 اپنے مقرہ وقت سے ایک گھنٹہ تاخیر سے پہنچی ہے۔

ڈاکٹر عدنان اور مریم نواز کی بیٹی کا لاہور ایئر پورٹ پر امیگریشن کا عمل مکمل کیا گیا جس کے بعد دونوں کو مقامی فائیو اسٹار ہوٹل منتقل کیا گیا۔

یہ بھی پڑھیئے: مجھے فون پر دھمکیاں دی جارہی تھیں، ڈاکٹر عدنان

اس سے قبل ڈاکٹر عدنان اور مریم نواز کی بیٹی کو تھرمل اسکینر سے گزارا گیا تھا۔