نواز شریف کی تصویر نے کرائے کے ترجمانوں کی نیندیں حرام کردی ہیں، عظمیٰ بخاری

مسلم لیگ ن کی رہنما عظمیٰ بخاری نے فیاض الحسن چوہان کے بیان پر ردعمل دیتے ہوئے کہا کہ نوازشریف کی تصویر نے دو دن سے کرائے کے ترجمانوں کی نیندیں حرام کردی ہیں۔

عظمیٰ بخاری نے کہا کہ نواز شریف کا پُرمسرت اور پُرسکون چہرہ بنی گالہ ٹولے سے برداشت نہیں ہورہا۔

اُنہوں نے کہا کہ فواد چوہدری، شہباز گل اور فیاض الحسن چوہان کے ساتھ ہمیں دلی ہمدردی ہے۔

نواز شریف لندن میں ڈھٹائی سے بغیر ماسک گھوم رہے ہیں: فیاض چوہان

پنجاب کے وزیرِ اطلاعات فیاض الحسن چوہان کا کہنا ہے کہ نواز شریف کہتے تھے کہ ان سے زیادہ کوئی بیمار نہیں، جبکہ وہ لندن میں کورونا وائرس کی وباء میں بھی ڈھٹائی کے ساتھ بغیر ماسک گھوم رہے ہیں۔

رہنما مسلم لیگ ن عظمیٰ بخاری نے مزید کہا کہ عمران مافیا نوازشریف کی فوٹو لیک کرکے خود ہی اذیت میں مبتلا ہوا ہے۔

واضح رہے کہ سابق وزیراعظم میاں نواز شریف کی چائے پیتے تصویر لیک ہونے کے بعد پنجاب کے وزیرِ اطلاعات فیاض الحسن چوہان نے اپنے ایک بیان میں کہا تھا کہ نواز شریف کہتے تھے کہ ان سے زیادہ کوئی بیمار نہیں، جبکہ وہ لندن میں کورونا وائرس کی وباء میں بھی ڈھٹائی کے ساتھ بغیر ماسک گھوم رہے ہیں۔

نواز شریف کی لندن کے ہوٹل میں چائے پیتے تصویر وائرل

لاہور،لندن(نیوز ایجنسیاں)سابق وزیر اعظم میاں...

فیاض الحسن چوہان کا کہنا تھا کہ نواز شریف اور شہباز شریف میں منافقت اور غلط بیانی کی قدر مشترک ہے، شہباز شریف کہتے تھے کہ ان سے زیادہ دلیر کوئی نہیں ہے۔