پوسٹ مارٹم رپورٹ میں جارج فلائیڈ کی موت قتل قرار

امریکا میں سیاہ فام شہری کی موت کو پوسٹ مارٹم رپورٹ میں قتل قرار دے دیا گیا۔ مقتول کو حراست اور تشدد کے دوران دل کا دورہ بھی پڑا تھا۔

ٹرمپ کی گورنرز کو مظاہرین کیخلاف جارحانہ حکمت عملی کی ہدایت

امریکا میں سیاہ فام شخص کی پولیس اہلکار کے تشدد سے ہلاکت کے بعد کئی شہروں میں احتجاج کا سلسلہ جاری ہے۔ احتجاج کے دوران کئی شہروں میں لوٹ مار، جھڑپیں، آنسوگیس کی شیلنگ کے واقعات بھی ہوئے۔ جس کے بعد اب امریکی صدر نے گورنرز کو پرتشدد کارروائیوں میں ملوث مظاہرین کیخلاف جارحانہ حکمت عملی اپنانے کا کہہ دیا ہے۔

سرکاری پوسٹ مارٹم رپورٹ کے مطابق جارج فلائیڈ کو دل کا دورہ بھی پڑا تھا۔ جبکہ رپورٹ میں گردن سختی سے دبانے کی تصدیق بھی ہوگئی ہے۔مقتول کو پہلے سے دل کی بیماری تھی۔

ٹرمپ کا واشنگٹن میں مسلح افواج تعینات کرنے کا اعلان

وائٹ ہاؤس میں صدر ٹرمپ نے اپنے خطاب میں مسلح افواج تعینات کرنے کا اعلان کرتے ہوئے کہا کہ واشنگٹن میں بےامنی انتہائی ذلت آمیز ہے، لاقانونیت اور تشدد کے خاتمے کے لیے فوج کو متحرک کیا جائے گا، بطور صدر میری پہلی اور سب سے بڑی ذمہ داری امریکا اور اس کے شہریوں کی حفاظت کرنا ہے

قبل ازیں جارج فلائیڈ کے اہل خانہ کی جانب سے کرائے گئے پوسٹ مارٹم کی رپورٹ میں بھی موت کی وجہ گردن اور کمر کو دبانا قرار دیا گیا تھا۔

یہ بھی پڑھیے: جارج فلائیڈ کے بھائی کا قتل کی جگہ کا دورہ، دعائیہ تقریب

واضح رہے کہ سیاہ فام جارج فلائیڈ کی ہلاکت کے بعد امریکا کے کئی شہروں میں احتجاج اور مظاہروں کا سلسلہ جاری ہے ۔