آپ آف لائن ہیں
بدھ23؍ذیقعد 1441ھ 15؍ جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کورونا وائرس سے لاہور سی آئی اے کے انسپکٹر شہید


کورونا وائرس سے متاثرہ لاہور پولیس کے انسپکٹر ملک عامر ڈوگر شہید ہو گئے، ملک عامر انچارج سی آئی اے سول لائن کے عہدے پر تعینات تھے۔

دوسری جانب پنجاب پولیس کے مز ید 8 افسران و اہلکاروں میں کورونا وائرس کی تصدیق ہوگئی ہے جس کے بعد کورونا سے متاثرہ پولیس اہلکاروں کی مجموعی تعداد 418 ہوگئی ہے۔

محکمۂ پولیس کی رپورٹ کے مطابق پنجاب میں اب تک پولیس کے 18 ہزار 816 اہلکاروں و افسران کے ٹیسٹ کیے گئے ہیں جن میں سے 15 ہزار 921 اہلکاروں و افسران کے ٹیسٹ منفی آئے۔

آئندہ 2 روز میں پنجاب سے تعلق رکھنے والے مزید 2 ہزار 477 پولیس اہلکاروں و افسران کے ٹیسٹوں کے نتائج آ جائیں گے۔

یہ بھی پڑھیئے: کراچی، کورونا سے ایک اور پولیس اہلکار جاں بحق

پنجاب پولیس میں اب تک کورونا وائرس سے 4 اہلکار شہید ہوئے ہیں جن میں سے 3 کا تعلق لاہور اور ایک کا فیصل آباد سے ہے۔

رپورٹ کے مطابق پنجاب پولیس کے اب تک 254 افسران و اہلکار کورونا وائرس کے مرض سے صحت یاب بھی ہو چکے ہیں۔

قومی خبریں سے مزید