سیکرٹری اور کنٹرولر امتحانات کے خالی عہدوں کیلیے انٹرویو کرنیکا فیصلہ

  ملتان(سٹاف رپورٹر) پنجاب حکومت نے صوبہ کے تعلیمی بورڈ ز میں سیکرٹری اور کنٹرولر امتحانات کےکئی ماہ سےخالی عہدوں پر تعیناتی کے لیے امیدواروں کے انٹرویو کرنے کا فیصلہ کیا ہے ،شارٹ لسٹ امیدواروں کی 183ہے،ان میں سے 147امیدوار سیکرٹری اور 36امیدوار کنٹرولر امتحانات کے شامل ہیں ،انٹرویو کا عمل سول سیکرٹریٹ پنجاب میں 8جون سے شروع ہوکر 20جون تک جاری رہے گا، ایڈیشنل چیف سیکرٹری پنجاب کی سربراہی میں انٹرویو کمیٹی تشکیل دے دی گئی ہے صوبہ کے 6تعلیمی بورڈز میں سیکرٹری کی سیٹ خالی ہے ان میں بہاولپور،ڈیرہ غازی خان،سرگودھا،فیصل آباد ،ساہیوال اور گوجرانوالہ تعلیمی بورڈ شامل ہیں،اسی طرح تعلیمی بورڈ لاہور،ڈیرہ غازی خان اور راولپنڈی میں کنٹرولر امتحانات کے خالی عہدوں پر امیدواروں کے انٹرویو ہوں گے،تعلیمی بورڈ ڈیرہ غازی خان کے سیکرٹری اور کنٹرولر امتحانات کے عہدے کے لیے 7،7امیدوار میدان میں ہیں،ان کے انٹرویو 15جون کو ہوں گے۔