آپ آف لائن ہیں
اتوار20؍ذیقعد 1441ھ 12؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

گندم اور آٹے کا مسئلہ پنجاب کےساتھ اٹھایا جارہا ہے، اجمل وزیر

خیبرپختونخوا کی کابینہ نے پنجاب سے آٹے کی ترسیل پر مسلسل پابندی آئین کے منافی قرار دی ہے۔ مشیر اطلاعات کے پی اجمل وزیر کا کہنا ہے کہ گندم اور آٹے کا مسئلہ پنجاب کے ساتھ اٹھایا جارہا ہے۔

پشاور میں میڈیا سے گفتگو کرتے ہوئے اجمل وزیر نے کہا کہ گذشتہ روز صوبائی کابینہ اجلاس میں گندم اور آٹے کے مسئلے پر گفتگو ہوئی، جبکہ آٹے اور گندم کا مسئلہ قومی رابطہ کمیٹی میں بھی اٹھایا گیا ہے۔

اجمل وزیر نے کہا کہ وزیراعظم عمران خان نے مسئلے کے حل کی بھرپور یقین دہانی کرائی ہے، جبکہ کابینہ نے پنجاب سے آٹے کی ترسیل پر مسلسل پابندی آئین کے منافی قرار دی ہے۔

انہوں نے کہا کہ کابینہ نے وزیراعلیٰ پنجاب اور وفاقی حکومت سے اپیل کی کہ اس مسئلے کو حل کریں۔

اجمل وزیر نے کہا کہ صوبائی کابینہ نے پنجاب سے آٹے کی ترسیل پر پاپندی کی مذمت کی ہے۔

مشیر اطلاعات کے پی نے کہا کہ ذخیرہ اندوزوں کے خلاف آرڈیننس پر عمل درآمد ہوگا جبکہ ذخیرہ شدہ مال کی اطلاع دینے والے کو 10 فیصد حصہ دیا جائے گا۔

قومی خبریں سے مزید