آپ آف لائن ہیں
بدھ23؍ذیقعد 1441ھ 15؍ جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پشاور موڑ سے ائر پورٹ تک میٹرو بس فعال کر نے کے امور پر غور

اسلام آباد( نیو زرپورٹر) و فا قی حکومت کی ہدایات پرسی ڈی اے نے پشاور موڑ سے نئے ائر پورٹ تک میٹرو بس آپریشنل کرنے کا ماڈل تیار کر لیا،حتمی فیصلہ وفاقی حکومت کرے گی۔ وزیر اعظم کے معاون خصوصی برائے سی ڈی اے امور کے دفتر میں ہونیوالےاجلاس میں مجوزہ ماڈل کی جہت اور طریقوں پر تبادلہ خیال کیا گیا۔ مجوزہ ماڈل میں میٹرو بسوں کے فلیٹ کا حصول،آئی ٹی، سیکورٹی اور اے ایف سی سسٹم کا حصول،الائیڈ انفراسٹرکچر بشمول کمانڈ اینڈ کنٹرول سسٹم کی تعمیر شامل ہے۔30 ائر کنڈیشنڈ میٹرو بسوں کے آپریشن اور مینٹی نیس کو چار مختلف سروس کنٹریکٹس کے ذریعے آؤٹ سورس کیا جائے گا۔ ابتدائی تخمینوں کے مطابق 273.32ملین روپے کا خسارے کا اندازہ بھی لگایا گیا ہے ۔
اسلام آباد سے مزید