آپ آف لائن ہیں
منگل 15؍ذیقعد 1441ھ 7؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

دورۂ انگلینڈ کیلئے مختصر دورانیے کا کیمپ لگائے جانے کا امکان


انگلینڈ روانگی سے قبل پاکستان کرکٹ ٹیم کے ممکنہ کھلاڑیوں کا ٹریننگ کیمپ مختصر دورانیے کیلئے لگائے جانے کا امکان ہے، مصباح الحق نے اس سلسلے میں ساتھی کوچز اور ہیڈ آف پلئیر ڈویلپمنٹ ثقلین مشتاق سے مشاورت بھی کی ہے ۔

ذرائع کے مطابق پاکستان کرکٹ ٹیم کی دورہ انگلینڈ کی تیاریوں کے لئے کوچ مختصر دورانیے کا ٹریننگ کیمپ لگانے کے خواہش مند ہیں، ہیڈ کوچ مصباح الحق کی اس حوالے سے ڈائریکٹر ہائی پرفارمنس ندیم خان اور ڈائریکٹر پلئیرز ڈیولپمنٹ ثقلین مشتاق سے بھی مشاورت ہوئی ہے۔

کھلاڑیوں کی کیمپ میں تعداد کے حوالے سے مصباح الحق بورڈ آفیشل کے ساتھ رابطے میں ہیں جبکہ بائیو سیکور انتظامات میں کیمپ لگانے کے لیے پی سی بی اور ٹیم مینجمنٹ کو چیلنجز درپیش ہیں۔

کوروناوائرس کے بڑھنے کی وجہ سے بھی بورڈ اور ٹیم مینجمنٹ کے لیئے کیمپ لگانے کا فیصلہ کرنا مشکل لگ رہا ہے ۔

ٹیم مینجمنٹ فوری طورپر ایک ساتھ کھلاڑیوں کو اکٹھا کر کے کوئی خطرہ مول لینے کے حق میں نہیں، تاہم کھلاڑیوں کے انفرادی طور پر ٹریننگ میں تیزی آگئی ہے ، پی سی بی نے بھی کھلاڑیوں کو نہیں روکا ہے ۔

کھلاڑی بھی اپنے طور پر گراونڈ ٹریننگ کر کے خود کو ردہم رکھنے کی کوششوں میں مصروف ہیں، ذرائع کا کہنا ہے کہ ممکنہ کھلاڑیوں کا تربیتی کیمپ جون کے تیسرے ہفتے میں لگائے جانے کا پلان کیا جا رہا ہے ۔

واضح رہے کہ قومی کرکٹ ٹیم جولائی کے پہلے ہفتے میں انگلینڈ جانے کی منصوبہ بندی کررہی ہے، اس سلسلے میں پاک انگلینڈ کرکٹ حکام کے درمیان دوسری ٹیلی کانفرنس اگلے ہفتے متوقع ہے ۔

کھیلوں کی خبریں سے مزید