• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور ‘ منشیات سپلائی کرنیوالے عناصر کیخلاف کریک ڈاؤن

میرا شہر
پشاور
08 جون ، 2020
پشاور(کرائم رپورٹر) کیپٹل سٹی پولیس پشاور نے اندرون شہر منشیات سپلائی کرنے والے عناصر کے خلاف جاری کریک ڈاؤن کے دوران مزید پانچ ملزمان کو گرفتار کر لیا۔گزشتہ روز ڈی ایس پی سبرب احتراز خان کی سربراہی میں ایس ایچ او تھانہ آغا میر جانی شاہ عمران الدین نیخفیہ اطلاعات پر ہونے والی کارروائیوں کے دوران پانچ ملزمان شیر افضل ولد حضرت خان سکنہ توحید آباد، اسد اللہ عرف پیرے ولد کریم جان سکنہ رشید گڑھی، جاوید ولد سید جہان سکنہ گجرآباد، اسد ولد خیر محمد سکنہ ہزارخوانی اور زاہد اللہ ولد احمد خان سکنہ لنڈی کوتل کو گرفتار کر لیا، تمام گرفتار ملزمان نے ابتدائی تفتیش کے دوران منشیات سپلائی کرنے کا اعتراف کر لیا ہے جن کے قبضے سے تین کلو گرام چرس، دو کلو گرام سے زائد ہیروئن اور دو سو گرام آئس بھی برآمد کر لی گئی ہے جن کے خلاف مقدمات درج کرکے تفتیش شروع کر دی گئی ہے۔
تازہ ترین