بھارتی ریاست کیریلا میں نمیتا نامی طالبہ کورونا وائرس کے دوران آن لائن کلاس کی خاطر بہتر انٹرنیٹ سگنلز کے لیے گھر کی چھت پر چڑھ گئی۔
نمیتا انگریزی میں بیچلرز کر رہی ہے اور وہ پانچویں سمسٹر کی طالبہ ہے جنہیں آن لائن کلاسز کے دوران انٹرنیٹ کے سگنلز کی وجہ سے دشواری کا سامنا تھا۔
نمیتا کے مطابق ان کے کمرے میں فون کے ڈیٹا سگنلز بے حد خراب آتے تھے جس کی وجہ سے وہ گھر کی چھت پر چڑھ گئیں تاکہ بنا کسی دشواری کے وہ آرام سے آن لائن کلاسز لے سکے۔
لڑکی کا مزید کہنا تھا کہ اس نے اپنے گھر کے تقریباً ہر حصے کو ہی دیکھا اور بلاآخر گھر کی دو منزلہ چھت پر انٹرنیٹ کے سگنلز اچھے پائے۔
سوشل میڈیا پر نمیتا کی تصاویر خوب وائرل ہوئی جس کے بعد کمپنی کے ٹیکنیکل اسٹاف نے نمیتا سے رابطہ کیا اور ان کے گھر آئے اور انٹرنیٹ کے سگنل کا مسئلہ بھی حل کردیا