کراچی سائٹ ایریا کی آگ تیسرے درجے کی قرار

کراچی کے علاقے سائٹ میں حبیب بینک چورنگی کے قریب فیکٹری میں لگی آگ کو تیسرے درجے کی آگ قرار دے دیا گیا، فائر بریگیڈ حکام نے شہر بھر سے فائر بریگیڈ کو طلب کرلیا ہے۔

فائر بریگیڈ حکام کے مطابق آگ بیڈ شیٹ بنانے کی فیکٹری میں لگی ہے جس کی اطلاع ملتے ہی 2 فائر ٹینڈرز روانہ کردیے گئے تاہم آگ پر قابو نہ پانے کے باعث مزید 6 فائر ٹینڈرز بھیجے گئے۔

فائر بریگیڈ حکام نے آگ کو تیسرے درجے کی آگ قرار دیتے ہوئے کہا کہ 8 فائر ٹینڈرز آگ بجھانے میں مصروف ہیں اور شہر بھر سے فائر بریگیڈ کو طلب کرلیا گیا ہے جب کہ آگ بجھانے کے لیے ایک اسنارکل بھی استعمال کی جارہی ہے۔

کراچی، پلاسٹک گودام کی آگ بجھا دی گئی

کراچی کے علاقے بلدیہ میں پلاسٹک کے گودام میں آگ لگ گئی، واقعہ میں خوش قسمتی سے کسی قسم کا جانی نقصان نہیں ہوا۔

دوسری جانب ترجمان واٹر بورڈ کا کہنا ہےکہ آتشزدگی کے باعث سخی حسن ہائیڈرینٹس پر ایمرجنسی نافذ کردی گئی ہے اور پانی سے بھرے متعدد ٹینکرز روانہ کیے جا رہے ہیں۔

ترجمان نے کہا کہ فائربریگیڈ کو آتشزدگی کے مقام پرپانی فراہم کیا جائے گا اور آگ پر مکمل قابو پانے تک پانی کی فراہمی جاری رہے گی۔