• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ریاض سے ملتان آنے والے پی آئی اے طیارے کی کراچی میں ہنگامی لینڈنگ

آج کا اخبار
اہم خبریں
12 جون ، 2020
کراچی (نیوز ڈیسک ) ریاض سے ملتان آنے والے پی آئی اے طیارے کی کراچی میں ہنگامی لینڈنگ، قومی ائیرلائن کے مسافر طیارے میں دوران پرواز فنی خرابی پیدا ہوئی جس کے بعد اسے بحفاظت جناح انٹرنیشنل ائیرپورٹ اتار لیا گیا۔ تفصیلات کے مطابق سعودی عرب سے پاکستان واپس آنے والی پی آئی اے کی ایک پرواز حادثے کا شکار ہونے سے بچ گئی۔بتایا گیا ہے کہ خصوصی پرواز کے سلسلے میں قومی ائیرلائن پی آئی اے کا ایک مسافر طیارہ سعودی عرب کے دارالحکومت ریاض سے پاکستان کے شہر ملتان آ رہا تھا جب دوران پرواز طیارے میں اچانک فنی خرابی پیدا ہوئی۔فنی خرابی پیدا ہونے کے بعد طیارے کے پائلٹ نے فوری کنٹرول ٹاور سے رابطہ کیا۔ فنی خرابی پیدا ہونے کے بعد پائلٹ نے طیارے کا رخ کراچی کی جانب موڑ دیا اور پھر طیارے کو بحفاظت کراچی ائیرپورٹ پر لینڈ کروا لیا گیا۔
تازہ ترین