سینیٹ کے چیئرمین رضا ربانی نے کہا ہےکہ آرٹیکل 6آئین کا دفاع کرنے میں ناکام رہا ہے ،اسے ختم کردینا چاہیے۔ ان کا کہنا تھا کہ آئین پر کوئی آنچ آئی تو وفاق پر گہرے بادل منڈلائیں گے۔
کراچی میں محکمہ سیاحت اور ثقافت سندھ کے تحت دوسری دوروزہ بین الااقوامی صوفی کانفرنس کی افتتاحی تقریب سے خطاب کرتے ہوئے رضا ربانی کا کہنا تھاکہ صوفی ازم امن، پیار اور محبت کا درس دیتا ہے۔
انھوں نے کہا کہ 10 اپریل پاکستان کی تاریخ کا اہم دن ہے۔ 1973 میں اسی دن قومی اسمبلی میں آئین منظور ہوا تھا جسے ہم یوم دستور کے طور پر منا رہے ہیں۔
انھوں نے کہا کہ کسی کو آئین کے ساتھ کھیلنے یا تبدیلی کرنے نہیں دیں گے۔ سرکاری ٹی وی پر تقریر حکومت اور خان صاحب کا مسئلہ ، حکومت کو چاہیے تقریر کے معاملے پر تاریخ کو مدنظر رکھے۔
فرمان الہی
نماز کے اوقات
