نیلام گھر میرا فیورٹ شو تھا، جویریہ خان

17 جون ، 2020

طارق عزیز کی وفات پر جویریہ خان کا اظہار افسوس

ویمن کرکٹر جویریہ خان نے طارق عزیز کے انتقال پر اظہار افسوس کرتے ہوئے کہا کہ نیلام گھر میرا فیورٹ شو تھا یہ تفریح اور معلومات کاذریعہ تھا۔

سماجی رابطے کی ویب سائٹ ٹوئٹر پر جویریہ خان نے طارق عزیز کی وفات پر تعزیتی ٹوئٹ شئیر کیا جس میں ان کا کہنا تھا کہ طارق عزیز کا شو نیلام گھر ان کا پسندیدہ شو تھا۔

انہوں نے لکھا کہ طارق عزیز کی بہترین صداکاری، اور آواز میں کمانڈ انہیں دوسرے لوگوں سے مختلف بناتی ہے۔

جویریہ خان نے آج کے دن کو افسوسناک دن قرار دیتے ہوئے لکھا کہ طارق عزیز ہم میں نہیں رہے لیکن وہ ہمارے دلون میں ہمیشہ زندہ رہیں گے۔