فرمان الہی
نماز کے اوقات
اسلام آباد(نمائندہ جنگ)مسلم لیگ (ن) کی ترجمان مریم اورنگزیب نے بی این پی کی حکومت سے علیحدگی کو وزیرِ اعظم عمران خان پر عدم اعتماد قرار دیتے ہوئے کہا ہے کہ اتحادی جماعتیں حکومت پر عدم اعتماد کرچکی ہیں، چینی، آٹا، بجلی، گیس کے بلوں میں ڈاکہ مارنے والوں پر عوام عدم اعتماد کرچکے ہیں۔پاکستان کے غریب عوام عمران صاحب کیحکومت پر عدم اعتماد کرچکے ہیں۔ بدھ کو بیان میں انہوں نے کہا کہ بی این پی مینگل نے وزیراعظم عمران صاحب پر عدم اعتماد کردیا ہے۔ اتحادی جماعتیں عمران صاحب حکومت پر عدم اعتماد کرچکی ہیں۔ پی ٹی آئی کے اپنے ارکان عمران صاحب کی حکومت پر عدم اعتماد کرچکے ہیں۔صوبہ نہ بنانے پر جنوبی پنجاب کے عوام عمران صاحب کی حکومت پر عدم اعتماد کرچکے ہیں۔ مریم اورنگزیب نے کہا کہ دیہاڑی دار، مزدور، کسان، تاجر، صنعتکار عمران صاحب کی حکومت پر عدم اعتماد کرچکے ہیں۔ڈاکٹرز ، نرسز، طبی عملہ اور سرکاری ملازمین عمران صاحب کی حکومت پر عدم اعتماد کرچکے ہیں۔کورونا وبا سے تنہا لڑتے عوام عمران صاحب کی حکومت پر عدم اعتماد کرچکے ہیں۔
