فرمان الہی
نماز کے اوقات
مرکزی سیکرٹری اطلاعات پاکستان پیپلزپارٹی ڈاکٹر نفیسہ شاہ نے شہید محترمہ بینظیر بھٹو کی 67 ویں سالگرہ پرخراج عقیدت پیش کرتے ہوئے کہا کہ شہید بینظیر بھٹو نے ہمیشہ جمہوریت اور قانون کی بالادستی کی جنگ لڑی۔
انہوں نے کہا کہ شہید محترمہ نے اسلامی دنیا، پاکستان کی پہلی کم عمر ترین وزیراعظم کےطور پر وزارت عظمی کاحلف اٹھایا، محترمہ شہید نے یہ اعزاز اور کامیابی اپنی انتھک محنت، لگن، عظمت اور قربانی دیکر حاصل کی۔
نفیسہ شاہ کا کہنا تھا کہ بینظیر بھٹو نے دلیری کےساتھ انتہاپسندی اور آمریت کا ڈٹ کر مقابلہ کیا، محترمہ شہید نے سمجھوتہ کرنے کے بجائے ملک کی بقا کی جنگ لڑی۔
انہوں نے کہا کہ جمہوریت اور ملک کی خاطر محترمہ شہید نے اپنی جان تک قربان کردی، بینظیر بھٹو شہید کے ویژن اور عظیم فیصلوں کے باعث ملک میں جمہوریت مضبوط ہوئی۔
