کراچی (اسٹاف رپورٹر) اشنا سہیل نے سارہ منصور کو شکست دیکر فائونڈر ممبر ماڈرن کلب قومی رینکنگ ٹینس چیمپئن شپ جیت لی جبکہ مزمل مرتضی، ہیرا عاشق، حارث عرفان الحق، یاسر خان اور عقیل خان چیمپئن شپ کے کوارٹر فائنل میں پہنچ گئے۔ چیمپئن شپ کے لیڈیز سنگلز کے فائنل میں اشنا سہیل نے شاندار کارکردگی کا مظاہرہ کرتے ہوئے سارہ منصور کو 6-2 اور 6-2 سے شکست دی۔ مینز سنگلز کے پری کوارٹر فائنل میں مزمل مرتضی نے فیضان خرم کو، ہیرا عاشق نے رضا سوانی کو، حارث عرفان الحق نے عبدالحیدر کو، عثمان رفیق نے عقیل شبیر کو، یاسر خان نے عبدالمجید کو اور ٹاپ کھلاڑی عقیل خان نے عبدالرحمان کو شکست دی۔ انڈر14 کے کوارٹر فائنل میں امین شفیع نے عبدالصمد کو، ریان جاوید نے یحیی احتشام کو، محمد دادا نے ریان سہیل کو اور ہود اظہر نے عبداللہ خان کو، انڈر16 کے کوارٹر فائنل بلال عمران لویا نے شاہ زیل ملک کو شکست دیکر سیمی فائنل میں جگہ حاصل کی۔
فرمان الہی
نماز کے اوقات
