خواجہ آصف کا طلبی نوٹس نیب نیازی گٹھ جوڑ کی مثال ہے،شہباز شریف

مسلم لیگ نون کے صدر محمد شہباز شریف نے سینئر لیگی رہنما خواجہ آصف کی نیب میں طلبی کے نوٹس کو نیب نیازی گٹھ جوڑ کی مثال قرار دیا ہے اور کہا ہے کہ سیاسی انتقامی کارروائیوں سے حکومت کی نااہلیاں اور ناکامیاں چھپ نہیں سکتیں۔

سماجی رابطے کی ویب سائٹ ٹوئٹر پر اپنے ایک بیان میں مسلم لیگ نون کے صدر محمدشہباز شریف نےکہا کہ مسلم لیگ نون کے رہنما خواجہ آصف کو نیب طلبی کا نوٹس درحقیقت نیب نیازی گٹھ جوڑ ہے ۔

انہوں نے کہا کہ حکومت اپنی ناکامیوں اور نااہلیوں پر سے توجہ ہٹانے کے لئے سیاسی مخالفین کو انتقامی کارروائیوں کانشانہ بنار ہی ہے ۔

واضح رہے کہ قومی احتساب بیورو (نیب) لاہور نے مسلم لیگ نون کے سینئر رہنما خواجہ آصف کو کینٹ ہاؤسنگ سوسائٹی سیالکوٹ کیس میں 26 جون صبح 11 بجے طلب کیا ہے، ان پر نیب کی جانب سے دستیاب زمین سے زیادہ زمین فروخت کا الزام ہے۔

نیب نے خواجہ آصف کو طلب کرلیا

نیب نے مسلم لیگ نون کے سینئر رہنما خواجہ آصف کو کینٹ ہاؤسنگ سوسائٹی سیالکوٹ کیس میں طلب کرلیا۔

نیب ذرائع کا کہنا ہے کہ خواجہ آصف پر اختیارات سے تجاوز کرنے کا بھی الزام ہے،جبکہ کیس میں خواجہ آصف کے اہلخانہ کے ملوث ہونے کا بھی الزام ہے۔