• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میر شکیل پر کرپشن کا کوئی الزام نہیں، رہا کیا جائے، خوش بخت شجاعت

آج کا اخبار
اہم خبریں
30 جون ، 2020
میر شکیل پر کرپشن کا کوئی الزام نہیں، رہا کیا جائے، خوش بخت شجاعت

کراچی (اسٹاف رپورٹر) سابق رکن قومی اسمبلی اور معروف شخصیت خوش بخت شجاعت نے میرشکیل الرحمان کی گرفتاری کی بھرپور مذمت کی وار کہا کہ میر شکیل پر کرپشن کا کوئی الزام نہیں۔ انہوں نے میر شکیل الرحمان کی فوری رہائی کا مطالبہ کیا ہے۔ ان کا کہنا ہے کہ میر شکیل الرحمان نے کوئی کرپشن کی اور نہ ہی کسی کو بلیک میل کیا ہے ، 34سال پرانے جھوٹے کیس میں ان کی گرفتاری کی دنیا بھر میں مذمت ہورہی ہے اور پاکستانی حکومت کی بدنامی ہوئی ہے، اپنے خیالات کا اظہار کرتے ہوئے انہوں نے کہا کہ جنگ اخبار ہماری تحریک پاکستان کے زمانے سے ہمارا صحافتی مزاج بنا ہے اور ہمارے شعور اور آگاہی کو آگے بڑھانے میں جنگ اخبار کا بنیادی اور اہم کردار ہے۔جنگ گروپ صحافت میں ایک خانوادے کی حیثیت رکھتا ہے جس کے سربراہ میرخلیل الرحمان اور پھر ان کے بعد میرجاوید الرحمان اور میرشکیل الرحمان نے صحافت کے اسرار و رموز کو کامیابی سے آگے بڑھایا۔ جنگ پر پہلے آمروں نے اور اس کے بعد جمہوریت کے چیمپئن افراد نے لشکر کشی کی۔ پہلے میرخلیل الرحمان اور اس کے بعد میرشکیل الرحمان اپنے اداروں اور اس کے کارکنان کے درمیان سیسہ پلائی دیوار بن گئے ۔ملک کو لوٹنے والے اور اربوں روپے کی کرپشن کرنے والے ملک سے باہر گھوم رہے ہیں ۔

تازہ ترین