آپ آف لائن ہیں
جمعہ18؍ذیقعد 1441ھ 10؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

چین نے بھارتی اقدام تجارتی اصولوں کی خلاف ورزی قرار دیدیا

بھارت میں چینی موبائل ایپس پابندی پر چین نے شدید ردعمل ظاہر کرتے ہوئے اسے بھارت کا متعصبانہ اقدام اور عالمی تجارتی اصولوں کی خلاف ورزی قرار دیا ہے۔

بھارت میں ترجمان چینی سفارتخانہ جی رونگ کا کہنا تھا کہ چین کو بھارت کے عمل پر شدید تشویش ہے، چین ایسے تمام اقدامات کی سخت مخالفت کرتا ہے۔

ترجمان کا کہنا ہے کہ بھارت کے متعصبانہ اقدامات ورلڈ ٹریڈ آرگنائزیشن (ڈبلیو ٹی او) کے قوانین، ای کامرس اور عالمی تجارتی اصولوں کے منافی ہیں۔

ترجمان نے مزید کہا کہ بھارتی اقدام مسابقتی مارکیٹ میں صارفین کے مفادات کے بھی خلاف ہے، بھارت نے گذشتہ روز چین کی 59 موبائل ایپلی کیشنز پر پابندی عائد کرنے کا اعلان کیا تھا۔

واضح رہے کہ بھارت نے اپنے ملک میں چین کی 50 سے زائد موبائل ایپس کو بلاک کردیا ہے۔

غیر ملکی میڈیا کی رپورٹ کے مطابق ان موبائل ایپس میں ٹک ٹاک بھی شامل ہے۔

بین الاقوامی خبریں سے مزید