مودی سرکار نے مقبوضہ کشمیر کو قتل گاہ میں تبدیل کردیا ہے، عبدالحمید لون

آل پارٹیز حریت کانفرنس کے رہنما عبدالحمید لون کا کہنا ہے کہ بھارت نے مقبوضہ کشمیر میں ایک مرتبہ پھر سفاکیت دہرائی ہے، مودی سرکار نے مقبوضہ کشمیر کو قتل گاہ میں تبدیل کردیا ہے۔

عبدالحمید لون نے اپنے ایک بیان میں کہا ہے کہ بھارتی فوج نے 70 سالہ شہری کو گاڑی سے اتار کر گولی مار کر شہید کیا، شہيد شہری کا 3 سال کا نواسہ اس کی لاش پر بيٹھا روتا رہا۔

مقبوضہ کشمیر: بھارتی فوج نے بزرگ کو کار سے اتار کر قتل کر دیا

مقبوضہ کشمیر میں بھارتی فورسز کی درندگی کا ایک اور واقعہ سامنے آگیا جس میں 60 سالہ بزرگ کو ان کے 3 سال کے نواسے کے سامنے قتل کر دیا گیا، قابض فورسز کی بربریت کا واقعہ سوپور میں پیش آیا۔

عبدالحمید لون نے کہا ہے کہ بھارتی پوليس 70 سالہ شہری کی لاش پر پاؤں رکھ کر تصاوير بناتی رہی۔

انہوں نے مزید کہا کہ بین الاقوامی برادری ہمیں کب انصاف فراہم کرے گی، بھارتی سفاک فوج کو کشمیری عوام کو قتل کرنے کا لائسنس دیا گیا ہے۔