آپ آف لائن ہیں
جمعرات 22؍ ذی الحج 1441ھ13؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پیرامیڈیکل اسٹاف کے مسائل فوری حل کئے جائیں‘ ن لیگ

کوئٹہ(پ ر)پاکستان مسلم لیگ کوئٹہ ڈویژن کے صدر محمد رحیم کاکڑ، جنرل سیکرٹری نسیم الرحمان، آغا عمر شاہ، جنرل سیکرٹری کوئٹہ جاوید اقبال، صدر تحصیل نانا صاحب میر وائس کاکڑ ایڈووکیٹ، طارق بٹ ایڈووکیٹ، نثار اچکزئی، ضلعی صدر پشین سعداللہ ترین اور ضلعی صدر قلعہ عبداللہ وارث اچکزئی نے بیان میں وزیراعلیٰ بلوچستان اور چیف سیکرٹری سے مطالبہ کیا ہے کہ محکمہ تعلیم میں پشین قلعہ عبداللہ میں کلاس فور کے ٹیسٹ و انٹرویو ہونے کے باوجود لسٹیں محکمہ تعلیم کے حوالے نہیں کی جارہی ہیں۔ لہٰذا فوری طور پر ضلع پشین ور قلعہ عبداللہ میں محکمہ تعلیم کے کلاس فور میں بے روزگار نوجوانوں کو آرڈر جاری کئے جائیں۔ انہوں نے مزید کہا کہ کورونا وائرس سے فرنٹ لائن پر لڑنے والے پیرامیڈیکل اسٹاف ایسوسی ایشن کے مسائل ترجیحی بنیادوں پر حل کئے جائیں کیونکہ جس بے سروسامانی میں پیرامیڈیکل اسٹاف نے کورونا کے خلاف ڈاکٹروں کے ساتھ مل کر کردار ادا کیا وہ قابل تعریف ہے لہٰذا حکومت فوری ان کے جائز مطالبات حل کرے۔
کوئٹہ سے مزید