آپ آف لائن ہیں
جمعرات 22؍ ذی الحج 1441ھ13؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزیرِ زراعت سندھ نے کے الیکٹرک کے بجلی مہنگی کرنے کے فیصلے کو مسترد کردیا

سندھ کے وزیرِ زراعت اسماعیل راہو نے اقتصادی رابطہ کمیٹی کی جانب سے کے-الیکٹرک صارفین کے لیے بجلی 2 روپے 89 پیسے مہنگی کرنے کے فیصلہ کو مسترد کردیا۔

ان کا کہنا تھا کہ اقتصادی رابطہ کمیٹی کا بجلی مہنگی کرنے کا فیصلہ سندھ دشمنی کے مترادف ہے۔

اپنے ایک بیان میں وزیرِ زراعت سندھ اسمعیٰل راہو نے کہا کہ سندھ حکومت کو اعتماد میں لیے بغیر وفاق نے بجلی کیسے مہنگی کی اس فیصلے کو مسترد کرتے ہیں۔

انہوں نے کہا کہ عوام کے ساتھ کے-الیکٹرک کے ظلم کا وفاق نے نوٹس لینے کی بجائے بجلی مہنگی کردی۔

ان کا کہنا تھا کہ وفاقی حکومت ہر ماہ سندھ کے عوام پر مہنگائی اور ان کو لوٹنے کا بم گراتی ہے۔

اسماعیل راہو نے کہا کہ کراچی میں بجلی ہوتی ہی نہیں تو تین روپے بجلی مہنگی کیوں کی گئی، چوبیس گھنٹوں میں دس گھنٹے تو لوڈ شیڈنگ ہوتی ہے۔

ان کا کہنا تھا کہ وفاقی حکومت نے کے-الیکٹرک کے صارفین کے لیے بجلی مہنگی کرنے کا فیصلہ واپس نہ لیا تو احتجاج کریں گے۔

قومی خبریں سے مزید