آپ آف لائن ہیں
منگل13؍ذی الحج 1441ھ 4؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کورونا انڈور سرگرمیوں میں بھی لوگوں پر اثر انداز ہو سکتا ہے

سائنسدانوں نے دعویٰ کیا ہے کہ کورونا وائرس انڈور سرگرمیوں میں بھی لوگوں پر اثر انداز ہو سکتا ہے۔

ہوا میں معلق ذرات بار، ریسٹورنٹ، دفاتر میں موجود لوگوں کو متاثر کرسکتے ہیں۔

32 ممالک کے 239 سائنسدانوں نے عالمی ادارہ صحت (ڈبلیو ایچ او) کو لکھے گئے خط میں خبردار کیا ہے کہ ہوا میں معلق کورونا وائرس کے چھوٹے ذرات لوگوں کو متاثر کرسکتے ہیں۔

سائنسدانوں نے بتایا کہ دنیا بھر میں کورونا وائرس نئے متاثرین تلاش کر رہا ہے، خاص طور پر ایسی انڈور جگہوں پر جہاں زیادہ ہجوم ہو اور وینٹی لیشن کی سہولت اچھی نہ ہو۔

ان کا کہنا تھا کہ کورونا کی روک تھام کے لیے ماسک کی ضرورت ہوسکتی ہے، اسکولوں، نرسنگ ہومز، رہائش گاہوں اور کاروباری اداروں میں وینٹیلیشن سسٹم کو زیادہ طاقتور اور مضبوط بنانے کی ضرورت پڑسکتی ہے۔

ذرائع کا بتانا ہے کہ ڈبلیو ایچ او ان کی دی گئی سفارشارت پر نظر ثانی کرے گا۔

صحت سے مزید