آپ آف لائن ہیں
بدھ21؍ذی الحج1441ھ12؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اقوام متحدہ کی کورونا سے متعلق غلط اطلاعات روکنے کی اپیل

اقوام متحدہ نے عالمی سطح پر عالمگیر وبا کورونا وائرس سے متعلق غلط اطلاعات اور افواہوں کا پھیلاؤ روکنے کے لیے اپیل کردی۔

دنیا بھر میں کورونا وائرس کے تناظر میں غلط اطلاعات کی فراہمی اور افواہوں کے بےہنگم پھیلاؤ کا گھمبیر مسئلہ درپیش ہے۔

اقوام متحدہ کا کہنا ہے کہ غلط اطلاعات کورونا کی وبا سے زیادہ تیزی سے پھیل رہی ہیں۔

عالمی ادارے کا کہنا ہے کہ غلط اطلاعات عوامی صحت کی کاوشوں میں خلل اور سائنسی رہنمائی کو مسخ کررہی ہیں، ہم سب غلط اطلاعات کے پھیلاؤ کیخلاف بھرپور ایکشن لے سکتے ہیں۔

ادارے کا کہنا تھا کہ کوئی بھی اطلاع کسی دوسرے تک پہنچانے سے پہلے تصدیق کریں۔

اقوام متحدہ نے اپنی اپیل میں مزید کہا کہ ہر صورت یہ ضرور پتہ لگایا جائے کہ اطلاع کہاں سے آئی؟ ذرائع کیا ہیں؟ اور یہ بھی تصدیق کری‍ں کہ اطلاع کب شائع ہوئی؟ اور آپ اسے کیوں شیئر کر رہے ہیں؟

بین الاقوامی خبریں سے مزید