آپ آف لائن ہیں
ہفتہ24؍ذی الحج 1441ھ15؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

چینی کی قیمت مقرر کرنے سے پہلے تیاری کی لاگت کا تعین کیا جائے، شوگر ملز


شوگر ملز ایسوسی ایشن پروگریسو گروپ نے مطالبہ کیا ہے کہ چینی کی قیمت مقررکرنے سے پہلے چینی کی تیاری پرآنے والی لاگت کا تعین کیا جائے۔

لاہور میں شوگر ملز ایسوسی ایشن کے پروگریسو گروپ نے پریس کانفرنس کرتے ہوئے اپنے تحفظات کا اظہار کیا۔

پروگریسو گروپ کے عہد یداروں جاوید کیانی، ذکاء اشرف اور دیگر نے پریس کانفرنس سے خطاب کرتے ہوئے کہا کہ چینی کی قیمت مقرر کرنے سے پہلے اس کی لاگت کا تعین کیا جانا ضرور ی ہے۔

شوگر ملز ایسوسی ایشن پروگریسو گروپ کے عہدے داروں نے کہا کہ شوگر انڈسٹری الزامات کی زد میں ہے، لیکن اس کی نمائندگی ٹھیک طرح سے نہیں ہو پائی ہے۔

یہ بھی پڑھیے:  76 ہزار میٹرک ٹن چینی کے پرچیز آرڈر جاری 

شوگر ملز ایسوسی ایشن نے کہا کہ شوگر انڈسٹری کو ایف بی آرکے ذریعے آڈٹ پرکوئی اعتراض نہیں ہے۔


شوگر ملز ایسوسی ایشن کا وفاقی وزیر حماد اظہر کو خط

 واضح رہے کہ اس سے قبل شوگر ملز ایسوسی ایشن نے وفاقی وزیر حماد اظہر کو خط لکھا تھا، جس میں انہوں نے وزیر اعظم سے ملاقات کی خواہش ظاہر کی تھی۔

خط میں شوگر ملز ایسوسی ایشن کا کہنا تھاکہ حماد اظہر وزیراعظم سے ملاقات کرانے میں  ان کی مدد کریں۔

ملز ایسوسی ایشن کا کہنا تھا کہ شوگر انڈسٹری سے متعلق وزیراعظم کی غلط فہمیوں کو دور کرنا چاہتے ہیں۔

شوگر ملز ایسوسی ایشن نے اپنے خط میں کہا کہ وزیراعظم کو اپنا موقف پیش کرنا چاہتے ہیں۔

شوگر ملز ایسوسی ایشن نے شوگر ایڈوائزری بورڈ کا اجلاس بھی جلد بلانے کا مطالبہ کیا ۔

تجارتی خبریں سے مزید