فرمان الہی
نماز کے اوقات
محکمہ اینٹی کرپشن نے خزانے کو نقصان پہنچانے والے 12 افسران کے خلاف مقدمہ درج کرلیا۔
فیصل آباد میں سالڈ ویسٹ مینجمنٹ کے کنٹریکٹر کی جانب سے مبینہ مالی بےضابطگیوں کا انکشاف سامنے آیا ہے۔
محکمہ اینٹی کرپشن نے نجی ویسٹ مینجمنٹ کمپنی اور ایف ڈبلیو ایم سی کے 12 افسران کے خلاف مقدمہ درج کیا ہے۔
حکام کے مطابق ڈیجیٹل ریکارڈ میں رد و بدل اور فراڈ کی تحقیقات شروع کر دیں، افسران نے خزانے کو 1 ارب روپے سے زائد نقصان پہنچایا۔
دستاویز کے مطابق 2317 کوڑے کنٹینرز ظاہر کیے گئے، فیلڈ میں صرف 1717 موجود نکلے، گھوسٹ سینٹری ورکرز کی جعلی حاضریوں سے سرکاری خزانے کو نقصان پہنچایا گیا۔
دستاویز کے مطابق مہنگے منی ڈمپرز کی جگہ سستے لوڈر رکشے استعمال کیے گئے، صفائی آپریشن کے دوران کے پی آئی ڈیٹا میں مبینہ ہیر پھیر کی گئی۔
دستاویز کے مطابق مشینری، اسٹاف اور آپریشنل سرگرمیوں کی تعداد بڑھا چڑھا کر ظاہر کی جاتی رہی، ڈیجیٹل پورٹل میں تبدیلی کر کے اضافی ادائیگیاں وصول کی گئیں، شہری اور دیہی علاقوں کےصفائی کنٹریکٹ میں سنگین بےضابطگیاں ہوئیں۔
